Publié le 4 Juin 2016

Baricuza gushukishwa amafaranga bakajyanwa muri FDLR

Abasore babiri bafashwe bajyanwa muri FDLR bicuza gushushukishwa akazi kabahemba amadolari bakemara kandi bajyanwe mu bikorwa bibi.

Ku wa 2 Kamena 2016, ubuyobozi bw’Ingabo mu Ntara y’Iburengerazuba bwagaragarije urubyiruko rutwara moto mu mujyi wa Gisenyi abasore babiri bafashwe bajyanwa muri FDLR, basaba abantu kwirinda abantu babashukisha akazi kabajyana mu mahanga kuko harimo kubacuruza no kubajyana mu mitwe yitwaza intwaro. Karahanyuze Emmanuel uvuka mu Murenge wa Cyanzarwe mu Karere ka Rubavu avuga ko umuntu witwa Damascene yavuye Rutsiro akaza kumushishikariza kujya muri FDLR gushaka amafaranga. Agira ati “Yambwiye ko FDLR iri guhemba amadolari 50, ndemera turagenda tariki 24 Mata 2016. Tugeze mu kibaya, baduhagaritse ndahagarara we ariruka baramurasa.”Ati “Kujya muri FDLR nta cyiza kirimo uretse kwigisha kuzagaruka guhungabanya umutekano w’Abanyarwanda. Nsabye Imana imbabazi n’Abanyarwanda kandi nsaba n’abandi bazashukishwa kujyanwa guhabwa akazi kutazabyemera.”Fashimana Zaburoni uvuka Nyabihu yafashwe ajyanywe muri FDLR ariko umujyanye ntibyamukundira kubera inzego z’umutekano zafunze amayira. Umuyobozi w’Ingabo mu Ntara y’Uburengerazuba, Gen. Maj. Mubarakh Muganga, atangaza ko mu mezi abiri, bamaze gufata abantu 29 bajyanwa muri FDLR kubera gushukishwa imirimo idahari. Asaba urubyiruko kugira uruhare mu gucunga umutekano no kwirinda abarushukisha kujyana hanze kuruha akazi kuko barushora mu bibazo batakwikuramo. Col. Nsangimana Augustin wahoze muri FDLR ari umuyobozi agataha muri 2015, avuga ko FDLR ibashukisha akazi kugira ngo ishobore kubona abarwanyi ariko ubuzima muri yo budahagaze neza. Agira ati “Babashukisha akazi n’imibereho myiza ariko nta bihari. Ibyo ntabonye ndi umuyobozi aba si bo bazabibona, no kubashukisha ko bazaza bagafata igihugu si byo kuko ubwo twari benshi dufite ibikoresho ntitwabishoboye. Ubu rero ari bakeya si bwo babigeraho.”Kuva abarwanyi ba FDLR bakwinjira mu Rwanda mu kwezi kwa Mata 2016 bakarasa kuri Polisi i Bugeshi, umutekano warakajijwe, abaturage batangira amakuru ku gihe, bituma abajyanwa muri FDLR bafatirwa ku mupaka

source:K2D

Voir les commentaires

Rédigé par Gakumba Adrien

Publié le 4 Juin 2016

Abasirikare bakuru 46 barangije amasomo azabafasha mu bijyanye n’umutekano

Abasirikare bakuru 46 baturuka mu bihugu umunani bya Afurika barangije amasomo mu bya gisirikare n’ay’igisivire mu byerekeye n’umutekano.

Amasomo bamaze umwaka bakurikiranira mu ishuri rikuru rya gisirikare RDF Command and Staff College, umusirikare uyarangije abafite ubumenyi buhambaye mu kuyobora ingabo mu gihugu cyangwa no mu gihe bari mu butumwa bwo gushaka amahoro. Umuvugizi w’Ingabo zu Rwanda Lt Col Rene Ngendahimana, avuga ko amwe mu masomo abasirikare bakurikiranira muri RDF Command and Staff College ashobora kubafasha guhangana n’ibibazo by’umutekano mucye ugaragara mu bihugu bitandukanye bya Afurika.

Ati “Amwe mu masomo atangirwa ahangaha abagendanya no kuba Afurika yagira ubushobozi bwayo bwo kwikemurira ibibazo. Aba ba ofisiye rero baba baje guhugurirwa ahangaha. Mu by’ukuri amwe mu masomo bahabwa n’ugushobora kuba bayobora bene ubwo bufatanye yaba mu karere cyangwa no kurenga mu karere.”Major Jean Paul Mutarambirwa ni we wahize abandi mu masomo yose bakurikiranye, asobanura ko mu mwaka bamaze bungutse ubumenyi burenze ku bwo bari basanganwe ku buryo bagiye gutanga umusanzu mu kugarura amahoro.

Ati “Icyo batwitegaho n’inyongeramusaruro y’ibikorwa ingabo zu Rwanda zari zisanzwe zikora, noneho tugiye gutanga umusanzu mu kugarura amahoro yaba mu Rwanda, gukumira icyahungabanya umutekano wu Rwanda ndetse no gutabara ahandi muri Afurika n’indi migabane ahaba ikibazo kijyanye n’ihungabana ry’umutekano.”Minisitiri w’Ingabo Gen James Kabarebe wari uhagarariye Perezida Kagame muri uyu muhango, yabwiye abarangije amasomo ko ubumenyi bungutse ari ingirakamaro, kuko buzabafasha mu kuyobora abasirikare cyangwa guhangana n’ibibazo by’umutekano mucye.

SOURCE: K2D

Minister MINADEF yakira abashyitsi

Minister MINADEF yakira abashyitsi

Abasirikare bakuru 46 barangije amasomo azabafasha mu bijyanye n’umutekano
Abasirikare bakuru 46 barangije amasomo azabafasha mu bijyanye n’umutekano
Abasirikare bakuru 46 barangije amasomo azabafasha mu bijyanye n’umutekano

Voir les commentaires

Rédigé par Gakumba Adrien

Publié le 12 Mai 2016

Perezida wa Repubulika Paul Kagame aratangaza ko u Rwanda rukeneye abashoramazi bazi icyo gukora kuko aho igihugu kigeze, kizi ibifitiye abaturage akamaro.

Mu kiganiro cyabaye kuri uyu wa 11 Gicurasi 2016, i Kigali ahateraniye Inama y’Isi ku Bukungu, Umukuru w’Igihugu yavuze ko u Rwanda rurangamiye imbere kuko rwabuze ahashize harwo, kandi ko ibyiza biri imbere. Ahereye ku ishoramari mu buhinzi ririmo gukorwa n’umushoramari Haward Buffet, Perezida Kagame yavuze ko abashoramari bafitiye igihugu akamaro ari bo u Rwanda rukeneye. Yagize ati “Haward Buffet yakoze ibintu bitari bisanzwe mu Rwanda. Gufatanya na we bizatuma tumenyeraho byinshi ku byo akora.”Umuherwe Buffet aravuga ko u Rwanda ari igihugu kibereye ishoramari uhereye ku miterere yarwo no ku buyobozi bwarwo burangajwe imbere na Perezida Kagame. Howard Buffet Avuga ko ibyo yiboneye n’amaso ye mu ishoramari bimutera kugira icyizere kiri imbere ko u Rwanda ruzakomeza kwiteza imbere. Perezida Kagame avuga ko kuba Buffet yarahisemo gushora imari ye mu Rwanda bitamugwiririye ahubwo ko yari yabitekerejeho kandi ko mu ishoramari rye hari inyungu azabonamo byanze bikunze ndetse n’abanyarwanda bakabyungukiramo. Perezida Kagame avuga ko gutangirira ku busa no gutangira gutoza abantu bari bafite ibibazo nyuma ya Jenoside yakorewe Abatutsi mu 1994, byari bigoye ku buryo abantu bibazaga niba bagomba gukora cyangwa kubyihorera. Ibyo byatumye Abanyarwanda batekereza, bareba kure maze batangira kubaka inzego zirimo ubuzima, uburezi n’ibindi bibazo byagombaga gukemuka kandi bakagira icyerecyezo kizima birinda gusarikwa na ruswa. Ku bijyanye n’ubufatanye n’amahanga kugera aho abashoramari batangira kwizera u Rwanda, Haward Buffet avuga ko yabanje kwiga neza agereranyije n’ibyo yabonye mu bindi bihugu ku mpinduka zihuse abaturage baba bakeneye. Avuga ko ubufatanye bugomba kugira aho bushingira, kandi ko ari ngombwa kureba niba abo mugiye gukorana ubafitiye icyizere, haba ku ruhande rw’ubuyobozi cyangwa abakozi uzakoresha. Icyizere cy’u Rwanda akagishingira ko nta ruswa, ibintu byose bikorwa ku cyizere no gushaka impinduka.

src:k2d

Perezida Kagame asanga u Rwanda rukeneye abashoramari basobanutse

Voir les commentaires

Rédigé par Gakumba Adrien

Publié le 9 Mai 2016

Urujijo mu rubanza rwa Ngenzi na Barahira i Paris

Ejo kuwa kabiri tariki 10 Gicurasi nibwo hateganijwe gutangira urubanza ruregwamo Tito Barahira na Octavien Ngenzi bashinjwa Jenoside yakorewe Abatutsi muri Paruwasi i Kabarondo ahahoze ari i Kibungo, ubu ni mu Ntara y’Iburasirazuba.

Urubanza ruzumvwa n’Urukiko rwa Paris rushinzwe imanza nshinjabyaha zikomeye ‘Cour d’assises’.

Ni urubanza rurimo urujijo n’amacenga ukurikije ibiri kuvugwa ndetse n’ibyabanje mbere y’uko ruba.

Ku ikubitiro mu cyumweru gishize, umwe mu bashinjacyaha bagombaga kugaragara mu rubanza Aurelia Devos yarwivanyemo ku mpamvu zitasobanuwe haba nyir’ubwite cyangwa ubushinjacyaha.

Mu kiganiro IGIHE yagiranye na Me Richard Gisagara uzaburanira bamwe mu bakorokotse Jenoside yakorewe Abatutsi muri uru rubanza, yavuze ko uru rubanza rwatangiye guteza ibibazo rutaratangira.

Me Gisagara yagize ati “Uru rubanza rwatangiye guteza ibibazo mbere y’uko rutangira bitewe n’iyegura ku buryo butunguranye ry’uwari uteganyijwe kuba umushinjacyaha w’ingenzi, Aurelia Devos."

Uyu mushinjacyaha ukora muri serivisi y’ubushinjacyaha yihariye i Paris ishinzwe kugenza by’umwihariko ibyaha bya jenoside n’ibindi byaha byibasiye inyoko muntu, azwiho kumenya ku buryo busesuye u Rwanda na jenoside yakorewe Abatutsi ndetse amaze imyaka myinshi akora ubugenzacyaha ku madosiye menshi areba u Rwanda.

Me Gisagara avuga ko kwivana muri uru rubanza kwa Devos ababikurikiranira hafi bavuga byaba byaratewe no kutumvikana n’umushinjacyaha umukuriye Philippe Courroye bagombaga gufatanya gushinja Tito Barahira na Octavien Ngenzi.

Gisagara akomeza avuga ko uku kwivana mu rubanza ikubagahu biteye impungenge ku migendekere myiza y’urubanza.

Me Gisagara ati “Igiteye impungenge rero ni uko niba Aurelia Devos avuye kuri uwo mwanya, uruhare rwo gushinja abo bantu ruzasigara rufitwe n’uwo mushinjacyaha Philippe Courroye, impungenge zikaba zituruka ku mibanire uyu Courroye afitanye na Me Jean Yves Dupeux wigaragaje cyane mu kubaranira abantu bashinjwa Jenoside yakorewe Abatutsi ndetse n’abayipfobya.”

Uyu Jean Yves Dupeux ni nawe uburanira Philippe Courroye mu rubanza yarezwemo kwica amategeko arengera abanyamakuru mu Bufaransa.

Me Richard Gisagara na bagenzi be bafatanyije kuburanira abacitse ku icumu muri urwo rubanza, bagejeje impungenge zabo ku mushinjacyaha mukuru wa Paris, ndetse bagomba kubonana bakabanza kuganira kuri icyo kibazo.

Urubanza rwa Octavien Ngenzi na Tito Barahira, biteganyijwe ko ruzatangira kuri uyu wa Kabiri, rukazasozwa tariki ya 10 Nyakanga.

Tito Barahira na Octavien Ngenzi basimburanye mu kuyobora Komini ya Kabarondo kuva mu 1977 kugeza mu 1994.

Octavien Ngenzi yafatiwe mu birwa bya Mayotte mu 2004 ashaka ubuhungiro akoresheje impapuro mpimbano mu gihe Tito Barahira yafatiwe i Toulouse aho yari atuye muri Mata 2013.

Src:igihe

Ababuranira abacitse ku icumu rya Jenoside bafitiye impungenge Philippe Courroye

Ababuranira abacitse ku icumu rya Jenoside bafitiye impungenge Philippe Courroye

Voir les commentaires

Rédigé par Gakumba Adrien

Publié le 8 Mai 2016

U Rwanda rwagizwe icyitegererezo mu gusuzuma uko Afurika ishobora kwiteza imbere

Umwarimu muri Kaminuza ya Harvard muri Leta Zunze Ubumwe za Amerika, yagaragaje ko uburezi ari inkingi ikomeye y’iterambere, asaba ibihugu bya Afurika kubuteza imbere nk’uko u Rwanda rwabikoze, hagamijwe ko Afurika yiteza imbere ishingiye ku byo ifite.

Ibi yabigarutseho mu mwiherero waberaga i Nairobi muri Kenya, uhuje abaminisitiri b’ububanyi n’amahanga baganiraga ku iterambere rya Afurika n’icyerekezo yihaye mu myaka 50 iri imbere.

Watangiye kuva kuwa 5 kugeza kuwa 6 Gicurasi 2016, mu gihe hitegurwa inama ya 27 y’Umuryango wa Afurika Yunze Ubumwe izabera mu Rwanda kuwa 10-18 Nyakanga 2016.

Uwo mwiherero wibanze ku ishyirwa mu bikorwa rya gahunda y’icyerekezo 2063.

Abitabiriye inama bafatiye ingero ku bihugu bimwe bya Afurika bidakora ku nyanja birimo u Rwanda byabashije gutera imbere kandi bidafite imitungo kamere n’ingufu bihagije.

Banagaragaje kandi ko hakenewe gushyira hamwe no gukunda Afurika no kwishyira hamwe kandi ibikorwa byose hagashyirwa imbere inyungu z’abaturage na Afurika. Hanagaragajwe kandi akamaro ko kwishyira hamwe n’ibihugu, mu nyungu z’icyerekezo 2063 cyemejwe na Afurika Yunze Ubumwe.

Ubwo yari ayoboye ikiganiro cyagarukaga ku ngamba zihari mu gushyira mu bikorwa gahunda ya 2063, Minisitiri w’Ububanyi n’Amahanga w’u Rwanda Louise Mushikiwabo, yagaragaje ko kugira ngo Afurika igire umwanya mu migabane iteye imbere, bisaba ko abayigize bashyira hamwe kandi bakagira intego imwe.

Mushikiwabo yibukije ko icyerekeza cya Afurika mu myaka 50, ‘Agenda 2063’, gitanga amahirwe y’igenamigambi hakanibandwa ku mishinga y’ingenzi.

Ati “Tugomba kureba mu igenamigambi ryacu mu gihe gito n’ikirekire, hagendewe ku buryo dushyira mu bikorwa gahunda dufite kugira ngo tugere ku bisubizo birambye by’ibibazo byugarije abaturage bacu.”

Juma Calestous, umwarimu mu bijyanye n’iterambere mpuzamahanaga muri Kaminuza ya Harvard, yibukije ko Afurika ikwiye kubaka ubumenyi, ubushakashatsi, ikoranabuhanga no guhanga udushya yifashishije ubushobozi buhari mu bigo by’ubushakashatsi na za kaminuza.

Yagize ati “Uburezi ni ingenzi mu mpinduka aho ziva zikagera. Ibihugu byigisha abaturage babyo bitangira kubona impinduka mu gisekuru kimwe. U Rwanda rurangaje imbere ibindi muri urwo rwego mu guhuza iterambere rukeneye n’uburezi.’’

Yakomeje agira ati “Ndashimira u Rwanda uburyo rwakoze impinduka mu gutanga ubumenyi bufasha mu kwihangira imirimo, byanagize uruhare rukomeye mu guhindura imibereho, binavana abaturage benshi mu bukene. Ibindi bihugu bya Afurika bikwiye kugerageza ibi bintu kuko byagaragaye ko ari inkingi ikomeye y’iterambere. »

Umunyamabanga wa Leta ushinzwe ububanyi n’amahanga muri Kenya, Amina Mohamed, yavuze ko Afurika ifite byinshi bikenewe, bityo nta mpamvu yo gusigara inyuma mu iterambere.

Yagize ati “Afurika ikize ku mitungo kamere, ubutaka, abantu, ariko abantu bayo bari mu bakennye cyane ku Isi. Iri huriro riratubera amahirwe yo kungurana ibitekerezo ku buryo imitungo kamere ihari yakwifashishwa mu kuzamura imibereho myiza y’abaturage.”

Umwiherero uheruka w’abaminisitiri wabereye i Bahir Dar muri Ethiopia muri Mutarama 2014, ubwo hitabwaga ku gutegura Agenda 2063.

U Rwanda rwagizwe icyitegererezo mu gusuzuma uko Afurika ishobora kwiteza imbere
U Rwanda rwagizwe icyitegererezo mu gusuzuma uko Afurika ishobora kwiteza imbere

Voir les commentaires

Rédigé par Gakumba Adrien

Publié le 8 Mai 2016

Mende yatanze igisobanuro cy’ifatwa rya Gen Mujyambere

Leta ya Congo Kinshasa yatangaje ko itabwa muri yombi ry’umuyobozi wa kabiri ukomeye muri FDLR, Gen Léopold Mujyambere, ari ikintu cyiza kuri Repubulika Iharanira Demokarasi ya Congo no ku karere muri rusange.

Ni ibyatangajwe n’Umuvugizi wa Guverinoma ya Congo Kinshasa, Lambert Mende wavuze ko Mujyambere yari umwe mu bayobozi bakomeye ba FDLR, umutwe ugizwe n’abarwanyi bashakishwa kubera ibyaha by’intambara.

Kuwa Gatatu tariki ya 4 Gicurasi 2016 nibwo urwego rushinzwe iperereza mu gisirikare cya Congo, ANR, rwataye muri yombi Brig. Gen. Mujyambere Léopold, Umugaba w’Ingabo w’umutwe FOCA ushamikiye kuri FDLR.

Mujyambere wari kumwe n’abandi bazwi nka Musenyeri, Achille, Frere Petrus Ibrahim babujijwe gukomeza kugenda ubwo bari bageze i Goma mu Murwa Mukuru wa Kivu y’Amajyaruguru bavuye muri Afurika y’Epfo aho bari banyuze muri Zambia.

Mende yavuze ko ‘itabwa muri yombi ry’uyu muyobozi ari ikintu cyiza kuri Guverinoma ya Congo ndetse no ku karere muri rusange’.

Kuri we ngo kubura ubwinyagamburiro kwa FDLR ku butaka bwa Congo ni ibyongera umutekano muri Repubulika Iharanira Demokarasi ya Congo.

Lambert Mende yongeye ho ko ingabo za Congo, FARDC zikomeje ibikorwa bya gisirikare byo kurwanya uyu mutwe ubarizwa mu mashyamba yo mu Burasirazuba bw’iki gihugu mu rwego rwo guhagarika ibikorwa byawo birimo kugirira nabi abaturage ba Congo.

Ku bijyanye no kumwohereza kuburanishirizwa mu Rwanda, Mende yavuze ko ubu inzego zirebwa zirimo gukorana n’ubutabera bwa gisirikare; umwanzuro ukazamenyeshwa u Rwanda binyuze mu nzira za dipolomasi mu buryo bwihuse.

Src:igihe

Voir les commentaires

Rédigé par Gakumba Adrien

Publié le 8 Mai 2016

Perezida Kagame yitabiriye irahira rya Perezida Omar Guelleh wa Djibouti

Perezida wa Repubulika y’u Rwanda Paul Kagame yageze muri Djibouti, aho yitabiriye umuhango wo kurahira kwa Perezida Ismaïl Omar Guelleh uteganyijwe kuri iki Cyumweru tariki 8 Gicurasi.

Omar Guelleh w’imyaka 68 aheruka gutorerwa gukomeza kuyobora Djibouti muri manda ya kane y’imyaka itanu, aho yegukanye amajwi 87%. Ayobora icyo gihugu giherereye mu ihembe rya Afurika kuva mu 1999. Ismaïl Omar Guelleh ni umwe mu baheruka kugaragaza ko ari inshuti ikomeye y’u Rwanda, aho mu 2013 igihugu cye cyahaye u Rwanda ubutaka bungana na hegitari 20, ubutaka Perezida Kagame yavuze ko buzakoreshwa nk’icyambu cy’ibicuruzwa bivuye mu Nyanja itukura, bizajya bihavanwa bizanwa mu Rwanda hifashishijwe indege.

Ubwo aheruka i Kigali muri Werurwe 2016, Leta y’u Rwanda nayo yasinyanye amasezerano y’ubutwererane na Djibouti, inatanga icyangombwa cy’ubutaka yahaye icyo gihugu, bungana na hegitari 10 buherereye mu gice cyagenewe inganda mu Karere ka Gasabo, Umujyi wa Kigali.

Perezida Guelleh yatsinze amatora ku buryo bukomeye, aho uwo bahanganye waje hafi, Omar Elmi Kaireh waharaniye bikomeye ubwigenge bwa Djibouti, yabonye amajwi 7% gusa. Muri ayo matora yabaye kuwa 8 Mata 2016, Ismaïl Omar Guelleh yari ahanganye n’abakandida batanu, ariko amashyaka atatu atavuga rumwe n’ubutegetsi ntiyanyuzwe n’ibyavuye mu matora.\

Src:igihe

Perezida Kagame yitabiriye irahira rya Perezida Omar Guelleh wa Djibouti

Voir les commentaires

Rédigé par Gakumba Adrien

Publié le 8 Mai 2016

Case involving Ugandan TV personality Kazoora begins at Nyarugenge court

~~Nyarugenge Intermediate Court on Wednesday heard the appeal case involving a popular Ugandan television personality, in which he is accused of illegal transactions and breach of trust.

The case involves the Ugandan national, David Junior Kazoora, and prosecution, while the local entertainment firm, Buddies Production (R) is a third party claiming damages over losses made out of Kazoora’s misdeeds. Buddies Production (R) is represented by Davis Kagenza, Kazoora's former partner. The case is on appeal level and the appeal was lodged by Kazoora, after Nyarugunga Primary Court in Kicukiro District convicted him of fraud and ordered him to pay over Rwf87 million, both in damages and losses caused. Kazoora was accused and convicted of undercutting his partner by creating a parallel company, apparently bearing the same features, ‘Buddies TV Ltd’ and duped a client to award a tender to the new company, thereby fleecing his partner of the dividends. Airtel Rwanda, which had commissioned two promotional tender deals for its ‘Birahebuje’ campaign, contracted Buddies Production (R) Ltd in the first edition but later mistakenly worked with Buddies TV Ltd, according to prosecution. Appearing before court, Kazoora stated that his appeal seeks to contest the earlier decision because the court disregarded all evidence he had produced, which attested to the fact that he procured the tender through legally acceptable channels. He maintained that Kagenza had no basis to claim any damages because he was not party to the company that was awarded the tender. “There is no confusion whatsoever between the two companies, they are all registered by Rwanda Development Board and they bear different profiles, if that was indeed the case Airtel wouldn’t have effected payments,” he said. Because the case is criminal in nature, Kazoora is up against prosecution while Kagenza appeared as a third party seeking damages. During Wednesday’s hearing, the prosecutor emphasized that Kazoora committed offences related to intellectual property, and it amounted to fraud with an aim of fleecing a former shareholder. Representing Kagenza, lawyer Safari Kizito informed court that his client had every right to claim damages should the accused be convicted of the said crimes. “Kazoora himself created a new company to carry out similar activities, he changed bank accounts on which the client paid the money; what could be the motive if it was not about misleading and bringing confusion with an aim of ensuring the Airtel money does not reach his shareholders?” said Kizito. The court’s decision will be pronounced on May 26.

Source: Newtimes

Voir les commentaires

Rédigé par Gakumba Adrien

Publié le 28 Avril 2016

Uyu musore w’imyaka 19 yari yoherejwe na FDLR gushaka amakuru n’inzira yo gucamo bateye u Rwanda.
Uyu musore w’imyaka 19 yari yoherejwe na FDLR gushaka amakuru n’inzira yo gucamo bateye u Rwanda.

Abagabo batatu harimo n’umukuru w’umudugudu biyemerera gufasha FDLR mu bitero yagabye i Bugeshi muri Rubavu beretswe abaturage.

Mu nama yahuje Ubuyobozi bw’Akarere ka Rubavu, inzego z’umutekano n’abaturage kuri uyu wa 26 Mata 2016 basaba abaturage kwirinda gukorana na FDLR iri mu migambi yo guhungabanya umutekano w’u Rwanda, hagaragajwe abagize uruhare mu gufasha inyeshyamba za FDLR mu gitero zagabye i Bugeshi tariki 16 Mata 2015.

Umusore w’imyaka 19 wafashije FDLR kwinjira mu Rwanda ndetse no kugaragaza ahari abayobozi bagomba kugabwaho ibitero, yagaragarijwe abaturage avuga ko yari amaze iminsi icumi yihishe yarabuze aho anyura ngo asubire muri Congo. Uyu musore wari umaze igihe gito muri FDLR agahabwa akazi ko kuza mu Rwanda gushaka amakuru n’inzira FDLR igomba kunyuramo itera mu Rwanda, avuga ko bitamushobokeye gusubiranayo n’abateye bakamwizeza kugaruka kumutwara. Agira ati “Banyohereje gutata ahari abayobozi b’inzego z’ibanze no gushaka inzira bazanyuramo ariko sinabona uko nsubiranayo na bo, banyizeza kuzaza kunshyikira ariko aho twagomba kunyura tuhageze tuhasanga abasirikare benshi kandi n’imipaka ya panya yafunzwe tubura aho duca ndafatwa.”

Umwe mu bashinzwe umutekano mu mudugudu, agira ati “Batugezeho bavuye muri Congo mu masaha y’ijoro batugurira igikoma kwa mudugudu cy’ibihumbi bibiri, aho kwihutira gutanga amakuru ko hari abaturage bavuye muri Congo turangarira kwinywera igikoma. Turicuza amakosa twakoze.”Bamwe mu bayobozi mu nzego z’ibanze babonye FDLR zinjira mu Rwanda ntibatange amakuru. Umuyobozi w’Akarere ka Rubavu, Sinamenye Jeremie, ahamagarira abaturage kuba maso no gutangira amakuru ku gihe, igihe cyose babonye umuntu batazi, naho urubyiruko rwibasiwe mu kwinjizwa muri FDLR arusaba kudashukishwa gushakirwayo imirimo. Abarwanyi ba FDLR babarirwa muri 20 binjiye mu Rwanda tariki ya 16 Mata 2016 barasa ku Biro bya Polisi na Sacco mu Murenge wa Bugeshi. Abaturage bavuga ko ari uburangare bwatumye FDLR ibinjirana kuko ubundi bari basanzwe bahagarika inyeshyamba zayo zishaka kwinjira mu Rwanda

Bamwe mu bayobozi mu nzego z’ibanze babonye FDLR zinjira mu Rwanda ntibatange amakuru

Bamwe mu bayobozi mu nzego z’ibanze babonye FDLR zinjira mu Rwanda ntibatange amakuru

Voir les commentaires

Rédigé par Gakumba Adrien

Publié le 19 Avril 2016

Abakekwaho Jenoside bagiye gufatwa hifashishijwe ikoranabuhanga

Polisi y’u Rwanda irateganya kugeza ikoranabuhanga rikoreshwa n’Umuryango wa Polisi Mpuzamahanga (Interpol) mu nzego zigira uruhare mu gukurikirana abakekwaho kugira uruhare muri Jenoside yakorewe Abatutsi bihishe hirya no hino ku Isi.

Iryo koranabuhanga rizwi nka I-24/7, ni uburyo busobanuye ko Isi yose, amasaha 24 kuri 24, iminsi 7 kuri 7, polisi z’Isi ziba zihanahana amakuru.

Ubwo buryo bwatangijwe na Interpol kugira ngo buyifashe gufata abakekwaho ibyaha, dore ko ibyinshi mu byaha byifashisha ikoranabuhanga. Iryo koranabuhanga ryifashishwa n’ibihugu byose bigize Interpol, mu guhanahana amakuru mu buryo bwihuse, igihugu umunyacyaha agezemo, akaba yafatwa.

Umuyobozi w’Ishami rya Polisi rikorana na Polisi mpuzamahanga n’ubutwererane muri Polisi y’u Rwanda, ACP Anthony Kulamba yavuze ko iryo koranabuhanga riteganywa kugezwa mu nzego zizafasha gufata abakekwaho kugira uruhare muri Jenoside yakorewe Abatutsi mu 1994.

Yagize ati “Turateganya no kugeza iri koranabuhanga ku ishami ry’u Rwanda rishinzwe gukurikirana abakekwa kugira uruhare muri Jenoside yakorewe Abatutsi, n’ubushinjacyaha bukuru bwa Repubulika.”

Urwo rugamba ruzatuma abakekwaho ibyo byaha bihishe hirya no hino ku Isi bafatwa. Abashakishwa bari barashyizwe ku rutonde ni hafi 300 , muri bo 17 barafashwe bacirwa imanza mu bihugu bafatiwemo, 75 barafashwe boherezwa kuburanira mu rukiko mpuzamahanga mpanabyaha rwashyiriweho u Rwanda (ICTR), abandi baracyashakishwa.

ACP Kulamba yavuze kandi ko abandi 13 boherejwe kuburanira mu Rwanda ariko ngo uwo mubare uracyari muto kuko hari abandi hafi 500 bagishakishwa.

Umuntu ukekwaho gukora icyaha mu gihugu runaka, ubutabera bumukorera dosiye, bugasohora n’impapuro zo kumuta muri yombi zikoherezwa ku Isi yose, agashakishwa yafatwa agashyikirizwa ubutabera.

Hifashishijwe iri koranabuhanga, ACP Kulamba yasobanuye uburyo rikora agira ati “Dufite uburyo twandikamo imyirondoro y’abanyabyaha n’ibyihebe, tukanagira uburyo tubonamo imodoka zibwe. Muri rusange I-24/7 iha ibihugu byose bya Interpol uburenganzira bwo kubona imyirondoro y’umuntu wese ukekwaho icyaha runaka.”

Polisi ntizatuza ukekwaho Jenoside wa nyuma adafashwe

Abakoze Jenoside yakorewe Abatutsi, nibo bari ku isonga mu bashakishwa n’u Rwanda, polisi y’igihugu ikaba ariyo ifasha muri icyo gikorwa igendeye ku mpapuro zatanzwe n’ubushinjacyaha.

Muri rusange ngo hari ibihugu bifite ubushake buke mu gufata abakekwaho jenoside, ariko ngo haracyari icyizere.

Ati “ Dufite icyizere ko hari igihe ibihugu byose bizashyira bikumva ko gushyikiriza ubutabera abakekwa kugira uruhare muri Jenoside yakorewe Abatutsi ari inshingano zabyo. Ntituzatuza kugeza igihe ukekwa kugira uruhare muri Jenoside yakorewe abatutsi wa nyuma ashyikirijwe ubutabera.”

Ubu buryo ntibukoreshwa mu gufata abakekwaho kugira uruhare muri Jenoside gusa, kuko n’abakekwaho ibyaha by’iterabwoba n’ubujura bagiye bafatwa.

By’umwihariko mu Rwanda iryo koranabuganga ryakoreshwaga ku cyicaro gikuru cya Polisi y’u Rwanda. Nyuma ryagejejwe ku mipaka yose y’igihugu no ku kibuga cy’indege cya Kigali, kugira ngo ritange umusaruro ukwiye.

Polisi kandi yarigejeje ku bo bafatanya umunsi ku wundi mu gucunga umutekano w’igihugu, harimo Ikigo cy’igihugu gishinzwe abinjira n’abasohoka(Migration), Ikigo cy’igihugu gishinzwe imisoro n’amahoro(RRA) ishami rya gasutamo.

Izo nzego zose zifashishije iryo koranabuhanga zishobora gufata imodoka zibwe.

Ibihugu bitandukanye byishyize hamwe bishinga Interpol ngo ifashe mu gufatanya hagati ya Polisi z’ibihugu igihe umunyabyaha yakoze icyaha mu gihugu runaka agahungira mu kindi.

Interpol igizwe n’ibihugu 190, ubunyamabanga bukuru bwayo bufite icyicaro i Lyon mu Bufaransa.

Source: Igihe.com

Voir les commentaires

Rédigé par Gakumba Adrien